"Hobel wati'(bersambung)....IDEN TEBAN TODE WE', MAWA' MAN PAN POLUNG.....(Waya' nore Remang se'e sita sayang)
" Eaaa, oti pa' ura' ka aten hara' mo nore are' Biar wala o..? Tualahar Ledo Ukel, mete mame ne' ue mal. Nuo doto' kanehing, denger ne' ana' Remang loeng ne'e laleng kelen. "Pa' kua i amo. Ewin dei wul lala wei rian bahe, sue' ke lering sape bungbuto, bongan ne'e ine ame", Remang mete ne parhati' edu nia' nobe' ne' ame ne' ning mato. Ne'i nuan de' ne. Rama'-rama' edu waya' me tapang ote ning mato moan ude' sue de' ne. Remang no' abe mete ria, tubun mete baran ne. Bele ape ude', loyo no' eha' ne' ame oha' namo ne' rama'-rama' ne. Ea pa' tualahar no' di mete ne pahang tele ne' ana' remang me, oha' ana' utun wati' ne. Loyo eyeng laleng. Angin woho moleng-moleng. Tebe' iden be Paheng Wa' lolo', Waya' kelen hulu'-hulu'. Oha' lela wati', Remang ne' ine ame suo adan dahang re